.......... في أول الكلام لا إله إلا الله ثنيت بالحبيب رسول الله حمداً كتير لي ربنا الله صلاة وسلام على نبي الله ......... رفعت إيدي لي ربنا الله يثبت قلبي على دينه الله يصرفه في طاعتُه الكريم الله يجعل حبي وبغضي في الله صلاتي وصيامي لي الله كذا محياي ومماتي لي الله ..........
إيسِر لي أزور بيتُه الله أحج واطوف بي بيت الله للمدينة أسافر لي رسول الله في الروضة أصلي جنب رسول الله أسلم عليه الحبيب حبيب الله وعلى الصحابة عليهم رضوان الله ........... أدعو لي أهلي وأخواني في الله يغفر لينا الذنوب الغفور الله يعفى ويتوب علينا التواب الله يبقى شُغلنا ذكرُه جل جلال الله نصبح بالتهليل لا إله إلا الله نمسي بالحمد لي الرحمن الله ..... نهارنا استغفار العظيم الله نملا صحايفنا بالصالحات لوجه الله كل سنة حجة وعُمرة يا الله بالباخرة أو بالطيارة يا الله يوصل كل مشتاق لي بيت الله
في مكة أو في المدينة يا سعادة من عاش هناك ............ ربِ حمداً ليك يا مُجيبا إنت الظاهر وانت القريبا رسلت لينا من ليك حبيبا شافعنا من النار واللهيبا .. عليك صلى المولى وأرضاك ................ ثنيتا بالمعصوم من صباه ....اليتيم العمهُ رباهُ بالشفاعة ربهُ خصاه سِعِد الطاعُه وحباهُ وخِسِر الجافاهُ وأباه ............. ربِ عبدك مرهون مكبل داير أصبح من قيدي محلحل داير أمشي لي بيتك مستعجل كل أموري في الدنيا تسهل والتأشيرة تهون بي رضاك ............ جُمعة أصلي في البيت الحرام وجُمعة قُربُه اديه السلام جًمعة اصلي جنب المقام جًمعة عُمرة من غير زحام ..... لو في ليلاُ أو في ضُحاك ........... ربِ أغفر كل الذنوب ثبت الإيمان في القلوب غطي واستر لي كل عيوبي يا عالم الأسرار والغيوب .. لو في أرضك أو في سماك
..............
أملا قلبي راحة وسكينة هون لي أعيش في المدينة دايرة أسكن أنا في المدينة بلد الناس السمحة زينة في البقيع أنا أدفن هناك .......... صلى خالق السما والأراضي على المُكرم الي ربهُ راضي أقبل صلاتنا واشفي الأمراض بلغنا للمقصود والأغراض وقول لي خلاص إتحقق مُناك
الجمعة، 3 فبراير 2012
أولاً نفضل بسماع هذه الكلمات الجميلة ثم اقرأ ما كتبته بعدها :-
قصايد بالعامية السودانية البسيطة ما تتعبوا نفسكم تقروها بالفصحى
