متين يا شافع المحفل أزورك قبل ما أرحل

نبينا الطاهر الطيب نبينا التفلهُ يطيب

شفيع للامة ما بِخَيب في يوم أهواله تشيب

متين .........

نبينا النفسه سمحة نبينا الجانا بارحمة

نبينا الطيب الكلمة نبينا الخيرهُ عمَ

متين ....

نبينا الواسع الصدر نبينا أوصى بالذكر

نبينا ذنبه مغتفر شفيع الناس في الحشر

متين .......

بكيت نزلت لي الدمعة في يوم العيد والجمعة

دايرة القومة والدفعة أزور الطيب السُمعة

متين ........

بريقاُ سهمهُ لي ظاهر شوقاً لي النبي الطاهر

كريم يا حي ويا قادر وديني هس في الحاضر

متين .....

أزور الشوفتهُ لي مُنية الباع الراحة والدنيا

ياربِ تحقق المُنية مديحهُ يبقى لي غنية

متين ........

نبينا عرقه كالمسك الزال الكفر والشرك

رافض المال والملك جزاهُ عند مالك الملك

متين ....

إلهي يا سامع الداعيين في حجة وعُمرة بس طامعين

ديل إيدينا ليك رافعين هناك في حرمه مجتمعين

متين ......

صلاة تصلح الحال عليه والصحب والآل

تهدي العاصي والضالِ من القيل والقال

متين .....

صلوا عليه ياسامعين بتنجوا هناك يوم الدين

في يوم الحر والناس واقفين شفاعته تطمن الخايفين